අරමුණ නම් මිරිඟුව කරා ………..

අරමුණ නම් මිරිඟුව කරා

ගමන් කෙලෙමි අදිටනින්

ලගට යන්න යන්න එය මිරිඟුවක් බව

පසක් නොවන තරමට මා එයට පෙම් බැදිනි

එකවර කඩා වැටුණු මහා කුණාටුවක්

මගේ අරමුණ සුනු විසුනු කර

මහ හඩින් සිනා සෙන්නට විය

මිරිගුවක් බව දැන දැන මා දිගින් දිගටම ගමන් කරමි

එහෙත් අරමුණක් නැත

දවස් ගෙවමින් ජිවත් වෙමි

නමුත් ජිවිතයක් නැත

මුලට ගොස් නැවත් ගමන් ආරම්භ

කිරීමටද නොහැක

ගමන් මගේ මුල දූවීලි ගොඩක් වී

සුනු විසුනු වී ගොස්ය

ජිවිතයක් නොමැති ජිවිතය

මා දෙමං හංදියක නවතා දමා ඇත

එක් පසෙකින් දැත් දිගු කර

මා ඔවුන් දෙසට කැදවන සහෘදයන් පිරිසකි

අනෙක් පස කිසිවෙකුත් පෙනෙන්නට නැති

කෙළවර සුපහන් ආලෝකයකින්

ආලෝකමත් වූ මාවතකි

මා සිත දෙකට පැලි දෙපසට ඇදි යනු දැනේ

දැඩි වෙසක් දරා සිත එකතැන් කර ගතිමි

දැන් මා ගමන් අරඹන මග කුමක් වේද?

එහි මට අරමුණක් ඇති වේද?

එහි මට ජිවත් විය හැකි වේද?